Hiking (Bir Günlük Təbiət Yürüşü): Hiking, səhər başlayıb, axşam bitən bir günlük təbiət yürüşüdür.
Hiking (Bir Günlük Təbiət Yürüşü): Hiking, səhər başlayıb, axşam bitən bir günlük təbiət yürüşüdür. Təbiətdə zövq almaq və ya idman etmək üçün edilən bu fəaliyyət, digər təbiət idmanları arasında ən asan hesab edilir. Hiking adətən dərələr, meşələr, cığırlar, sünüi gəzinti yolları kimi təbii gözəllikləri ehtiva edir.
Yürüş marşrutu əvvəlcədən müəyyən edilir və orta gediş müdəti bilinir. Hiking gəzintisi asandan orta çətinliyə qədər olan təbiət cığırlarında keçirilir. Bu gəzintilər yarım günlük və tam günlük ola bilər.
Hər növ təbiət idmanı üçün geyimləriniz bədən istiliyinizi ideal səviyyədə saxlayaraq təhlükəsiz və rahat bir fəaliyyət keçirməyinizə şərait yaradır. Həmçinin, geyimlərinizin xüsusiyyətləri sizi təbiətdəki temperatur dəyişikliklərindən qoruyur və bu dəyişikliklərə uyğunlaşmağınızı asanlaşdırır. Geyimlər rahat, funksional, isti saxlayan, tez quruyan, yüngül və həcmi kiçik olmalıdır. Buna görə də, təbiət idmanlarında üç fərqli qatdan ibarət bir geyim sistemi seçilməlidir.
Geyimin məqsədi:
-
İzolyasiya yaratmaq
-
Rahat və təhlükəsiz olmaq
-
Bədən istiliyini stabil saxlamaq
3 qatlı geyim sistemi:
-
Daxili qat (Termal Astar) - Nəmənı bədəndən uzaqlaşdırır.
-
Orta qat - İstilik izolyasiyasını təmin edir.
-
Xarici qat - Yağış və küləkdən qoruyur.
Yürüş Ayaqqabısı- Yaxşı yürüş ayaqqabısı ayağa və ayaq biləyinə yetərli dəstək verməli, sürüşkən və ya qeyri-bərabər yerdə yaxşı dayana bilməlidir. Ayağı qayalardan qoruya bilməli və eyni zamanda rahat yeriyə biləcək qədər elastik olmalıdır.
Su keçirməz olmalıdır. Aldığınız ayaqqabını yürüşə getmədən öncə şəhərdə geyinib yoxalamaq vacibdir. İdman ayaqqabıları sizə yetərli olmaya bilər.
Corablar: Gəzintiyə çıxdığınız zaman adi corablarınızdan deyil, yürüş corablarından istifadə etməyi tövsiyə edirik. Uc və daban hissəsi möhkəmləndirilmiş, boğazı ayaqqabının boğazından uzun, ayaqqabı içində yığılmayan, sürətli quruyan polyester çorablardır. Tərləməyən, isti və dözümlü olmalıdır.
Tozluq: Xüsusilə, qarlı yürüşlərdə botun içinə qar dolmasının və şalvar ətəklərinin islanmasının qarşısını alan bir ləvazimatdır. Tozluq, sıx kolların olduğu və çox tozlu ərazilərdə də faydalıdır. Bot və şalvar arasındakı bilək hissəsini qoruyur, içəriyə çalı-çırpı və toz girməsinə mane olur. Həmçinin, ayaq biləyini az aşan dayaz sulardan sürətlə keçmək şərtilə botun içinə su dolmasının da qarşısını böyük ölçüdə alır.
Termo içlik - çox tər tutmur. Daxili təbəqə üçün ən uyğun parçalardır.
Qaşıntı və ya pis qoxu kimi mənfi təsirləri yoxdur. Termal alt paltar təri yaxşı ötürən yüksək keyfiyyətli daxili təbəqə paltarıdır.
Yürüş şalvarı: Yürüş üçün xüsusi olaraq istehsal edilən şalvar seçmək hərəkət zamanı sizi rahat edəcək. Alacağınız yürüş şalvarının nəfəs alan parçalardan və tez quruyan xüsusiyyətə malik olmasına diqqət etməlisiz.
Polar-Soyuq havalarda sizi soyuqdan qorumağa kömək edəcək orta qatlı geyimdir. Yüngül bir quruluşa sahib olan polar çox isti saxlayır və islandığında tez quruyur.
Küləklik və ya yağmurluq: Moralarda tərli halda küləkdə qala bilərsiniz, belə bir halda bir küləklik həyati əhəmiyyət daşıyacaqdır. Hava birdən dəyişə bilər və sağanak yağış yağmağa başlaya bilər, yanınızda gətirdiyiniz yağmurluq, xüsusilə ən yaxşısı olan bir panço sizi qoruyacaqdır. Pançolar hətta çadır kimi də istifadə oluna bilər. Təbiətdə zəmanət yoxdur. Zəmanətinizi özünüz təmin etməyə çalışın.
Üst gödəkcə- Son qat, gödəkçələr suya və küləyə davamlı olmalıdır. Bundan əlavə, təbiətdə lazım olanda diqqəti cəlb etmək üçün canlı rənglərdə gödəkçə seçməyi tövsiyə edirik.
Papaq və Bandana-Yaz-qış tələb olunur. Çox soyuq bir mühitdə istilik itkinizi minimuma endirə bilərsiniz. Geniş kənarlı papaqlar yay-qış üçün idealdır .
Şapka: Yay/Qış vacibdir. Bir şapka ilə günəş altında ən azı iki saat daha çox qala bilərsiniz. Çox soyuq mühitdə isə istilik itkisini minimum səviyyədə saxlaya bilərsiniz. Geniş kənarlı şapkalar Yay/Qış üçün idealdır.
Bel çantası: Yayda daha kiçik, qışda isə bir qədər böyük çanta istifadə olunur. Yayda çantaya qoyulacaq ləvazimatların miqdarı qışa nisbətən az olduğu üçün 35 litrlik çanta kifayətdir. Qışda isə 40 litrdən başlayan çantalar daha uyğundur. Çantanızın yanlarında mütləq su şüşəsi və ya termosa uyğun cib olmalıdır.
Alın fənəri: Yanınıza mütləq bir əl fənəri götürməyə çalışın, əgər düşərgə quracaqsınızsa, bu, artıq məcburidir. Ehtiyat batareyaları da unutmayın. Üstünlük alın fənərinə verilməlidir, çünki əllərin boş qalması həm rahat işləməyi, həm də təhlükəsizliyi təmin edir. Gecəyə qala bilərik və yürüşə davam etməli olduğumuz halda, bir əldə əl fənəri, digərində isə batonu saxlamaq çətin olacaq. Yıxılma ehtimalında isə hər iki əlin boş olması vacibdir.
Yürüş çomaqları: Yürüş çomaqları üçün əsas avadanlıqlardandır, amma bu gün daha fərqli modellərdə (uzadıla və qısaldıla bilən teleskopik) istehsal olunanları artıq dağçılar və yürüyüşçülər də tez-tez istifadə etdikləri dəstək avadanlıqlarına çevrilmişdir. Çantalı və ya çantasız yürüyüşlərdə, xüsusilə uzun məsafəli yürüyüşlərdə yorğunluğu azaltmağa, bədənimizin yükə olan ağırlığını balanslaşdırmağa kömək edən və artıq zəruri hala gəlmiş bir köməkçidir.
Cib bıçağı: Yemək, ip kəsmək kimi fərqli istifadələr üçün lazımlıdır.
Kibrit və ya alışqan: Od qalamaq niyyətiniz olsun-olmasın, hər ehtimala qarşı yanınıza kibrit və ya alışqan götürməyi unutmayın
Fit: Fitin çıxardığı səs sizin səsinizdən daha uzağa gedir, həmçinin təcili vəziyyətdə çalacağınız fiti səs tellərinizi yormaz. Fiti bir ip vasitəsilə çantanızın bir yerinə bağlamağınız ağıllı seçim olar, beləliklə ona daha asan çata bilərsiniz
Dodaq – Günəş Kremi: Günəşin yandırıcı təsiri ilə yanaşı, zərərli UV şüalarına da məruz qalırıq. Bu istinin quruducu təsirindən və UV şüalarının zərərli təsirlərindən minimum dərəcədə qorunmaq üçün dodaqlarımızı və dərimizi yüksək UV qoruyuculu kremlərlə mühafizə etməliyik. Yürüş zamanı tərləyəcəyimiz üçün xüsusilə üzümüzdə yığılan tər damlaları linza effekti yaradaraq dəri üzərində qəhvəyi ləkələrin yaranmasına səbəb ola bilər. Məhz yüksək UV qoruma faktorlu dodaq və günəş kremləri bunu minimuma endirəcək, hətta tamamilə qarşısını alacaqdır.
Gün eynəyi: İstər günəş altında, istərsə də qar içində yürüş edərkən gözləriniz yorulacaqdır. Günəş və qar həm gözləri qamaşdıraraq yorur, həm də zərərli UV şüaları yayır. Harada olursanız olun, yürüşlərinizə mütləq gün eynəyinizi götürün. Yorğun gözlər baş ağrısına və ümumi yorğunluğa səbəb ola bilər. Gün eynəyinizi ən yüksək qoruma faktorlu modellərdən seçin.
Su qabı- (alüminium olmalıdır). Yanınızda daşıdığınız su bitə bilər, təmiz su mənbəyi tapdığınızda bir su qabına ehtiyacınız olacaq. Həmişə bir su qabına sahibi olmaq, plastik şüşə ilə su daşımaqdan daha yaxşıdır. plastik şüşəsinin özünü tullantı kimi göstərmək və atmaq xüsusiyyəti yaxşı bilinən bir gerçəklidir.
Qidalanma və Su
Qidalanma: Enerji mənbəyi olaraq quru meyvə, qoz-fındıq, şokolad və sendviç kimi qidalar sərf olunmalıdır.
Enerji balansı:
-
60-65% karbohidrat
-
25-30% yağ
-
10-15% zülal
Su: Minimum 1 günlük su ehtiyatı öncədən görülməlidir.
Təhlukəsizlik və Hazırlıq
İlk yardım dəsti: Evimizdə, avtomobilimizdə, iş yerimizdə mütləq kiçik bir ilk yardım dəsti olmalıdır.
Hiking sevənlər üçün bu məlumatlar səyahətlərinizin daha rahat və təhlukəsiz olmasına yardım edəcək!
Pis hava yoxdur, yanlış geyim var! Təbiətdə hər hava şəraitinə uyğun hazırlanmaq lazımdır. Su keçirməyən, istilik saxlayan və yüklük yaratmayan geyimlər sizi təbiətdə daha güvənli hiss etdirməyə imkan verir.
