Bazardüzü Zirvə Ekspedisiyası – 3 Gün

Bakıdan Quba şəhərinə yola düşürük. Yol təxminən 3 saat davam edir. Qubada son alış-verişimizi etdikdən sonra Xınalıq kəndinə doğru hərəkət edirik. Xınalığa çatdıqdan sonra dağ nəqliyyat vasitələri ilə Bazardüzü marşrutunun başlanğıc nöqtəsinə yola düşürük. Təxminən 2 saatlıq yolun ardından 2 900 metr yüksəklikdə yerləşən birinci düşərgəyə çatırıq.

Burada son hazırlıqlarımızı tamamlayır, düşərgə üçün lazım olan yükləri götürür və piyada şəkildə 3 250 metr yüksəklikdə yerləşən ikinci düşərgəyə doğru hərəkət edirik. Bu hissə təxminən 2 saat davam edir. İkinci düşərgəyə çatdıqdan sonra çadırlarımızı qurur və növbəti gün Bazardüzü zirvəsinə qalxışa hazırlaşırıq.

Səhər saat 04:00-da 4 466 metr hündürlüyündə yerləşən Bazardüzü zirvəsinə doğru yürüşə başlayırıq. Zirvəyə qalxış hava və marşrut şəraitindən asılı olaraq təxminən 7–8 saat davam edir. Zirvədə qısa fasilə verərək şəkillər çəkdirir və möhtəşəm Böyük Qafqaz mənzərələrindən zövq alırıq. Daha sonra eyni marşrutla düşərgəyə enirik. Eniş təxminən 4–5 saat davam edir və gecəni 3 250 metr yüksəklikdə yerləşən düşərgədə çadırda keçiririk.

Səhər yeməyindən sonra çadırlarımızı toplayırıq və saat 10:00-da düşərgədən avtomobillərin dayandığı nöqtəyə doğru enişə başlayırıq. Buradan dağ nəqliyyat vasitələri ilə Xınalıq kəndinə qayıdırıq. Xınalıqda nəqliyyat vasitələrimizi dəyişərək Bakıya doğru hərəkət edirik və Bazardüzü ekspedisiyamızı tamamlayırıq.

• Bakı — Quba — Xınalıq kəndi — Bakı (Vita, Sprinter avtobusu)
• Xınalıq kəndi — Şahyaylaq — Düşərgə — Xınalıq kəndi (QAZ-66 və ya 4×4 dağ maşınları)
• Dağ bələdçisi ( 7 nəfərə 1 bələdçisi)
•  Çadır və mat təminatı
• Düşərgədə isti suyun təşkili
• Zirvəyə çıxmış iştirakçılara sertifikat verilməsi
• Şahdağ Milli Parkına giriş biletləri
• İcazələr və Rəsmi Qeydiyyatlar:
• Şahdağ Milli Parkına giriş icazəsi

• Dövlət Sərhəd Xidmətindən icazə

• Fövqəladə Hallar Nazirliyindən icazə

• Fərdi xərclər

• Şəxsi səyahət sığortası

• Qidalanma və ərzaq

• Proqram xaricində olan fərdi istəklər

• Şəxsi dağçılıq ləvazimatları

Dağ ayaqqabısı, su keçirməz isti şalvar (Gore-Tex), Su keçirməz isti gödəkçə (Gore-Tex), yataq kisəsi, yürüş çomaqları,yemək bişirmə ləvazimatları, qaz başlığı və balon, çadır, baş fənəri, tozluq, papaq, eynək, əlcək, corab, termo içlik, polar gödəkcə, mat, çadır və.s

• Qeydiyyat və İcazə: Turda iştirak üçün ən azı 30 gün öncədən qeydiyyatdan keçmək və ödənişi tam etmək tələb olunur. Bu müddət ərzində iştirakçılar pasport surətini təqdim etməlidirlər ki, Şahdağ Milli Parkı və Dövlət Sərhəd Xidmətindən icazə alınsın.
  

• Rezervasiyanın Ləğvi və Geri Ödəniş:
  

  • Tur tarixindən 30 gün əvvəl ləğv edildikdə məbləğ tam geri qaytarılır.

  • 15 gün əvvəl ləğv edildikdə məbləğin 70%-i geri qaytarılır (30%-i tutulur).

  • 7 gün qalmış ləğv edildikdə məbləğin 50%-i geri qaytarılır.

  • 5 gün və daha az qalmış ləğv edilən rezervasiyalar üçün ödəniş geri qaytarılmır.

• Tur Proqramının Dəyişdirilməsi: Hava şəraiti, ictimai hadisələr və digər gözlənilməz hallar səbəbindən tur rəhbəri proqramı dəyişdirmək və ya ləğv etmək hüququna malikdir.
  

• Qrup sayı 3, 7 və ya 14 nəfər ola bilər, fərqli qrup tələbləriniz üçün bizimlə əlaqə saxlayaraq fərdi qiymət ala bilərsiniz.

• Mobil Rabitə: Dağ şəraitində bəzi yerlərdə mobil rabitə işləməyə bilər. Ən yaxşı əlaqə Azercell operatoru vasitəsilə mümkündür.
  

• Qidalanma və Avadanlıq: Dağ şəraitində qidalanma və yemək bişirmə iştirakçının öz öhdəliyindədir.
  

• Fərdi Sorğular: Tur məzmununa fərqli yerlər və ya yeməklər əlavə etmək və ya çıxarmaq istəyirsinizsə, bizimlə əlaqə saxlayın.
  

• Bəxşişlər: Xidmətlərdən məmnun qaldığınız halda bəxşiş vermək şəxsi seçiminizdir.