Transcaucasian Trail – Azərbaycan Trekking Turu

Heydər Əliyev Beynəlxalq Hava Limanında qarşılanma və otelə transfer. Günün qalan hissəsi istirahət və şəhərlə tanışlıq üçün sərbəstdir. Axşam qrup görüşü və “Xoş gəlmisiniz” yeməyi.

Gecələmə oteldə.

Səhər Bakını tərk edərək Böyük Qafqaz dağlarına doğru yola düşürük. Marşrut boyunca Quba rayonunun yaşıllıqları, alma bağları və dağ mənzərələri bizə müşayiət edir. Günün əsas məqsədi — Qafqazın ən yüksək və ən qədim dağ kəndlərindən biri olan Xınalıqa (2170 m) çatmaqdır.

Yolda Qəçrəş meşəsində qısa fasilə və piknik naharı edirik, daha sonra Qudyalçay vadisi boyunca qalxırıq. Axşamüstü Xınalıqa çatırıq — dar daş küçələri, qədim evləri və sıldırım qayalar üzərində salınmış bu kənd Azərbaycan dağ mədəniyyətinin canlı muzeyidir. Axşam yerli ailə evində isti yemək, dağ mənzərələri fonunda istirahət və Xınalıq qonaq evində gecələmə.

Məsafə: 240 km 

Bu gün Böyük Qafqazın ürəyinə — Xınalıqdan Qrız kəndinə doğru unudulmaz dağ yürüşü bizi gözləyir. Səhər Xınalıq kəndinin dar daş küçələri, qədim evləri və dağ icmasının həyatı ilə tanışlıqla başlayırıq. Buradan Qalaxudat kəndinə doğru qalxırıq — yol boyu Tufandağ və Qızılqaya zirvələrinin panoramik mənzərələri bizi müşayiət edir.

Qalaxudatda yerli insanların həyat tərzi və dağ arxitekturası ilə tanış olur, daha sonra Qrız dərəsi boyunca uzanan təbii mənzərələr — şəlalələr, alpin çəmənlikləri və Qafqazın vəhşi təbiəti içindən keçərək Qrız kəndinə doğru enirik. Yolumuzun üzərində yerləşən Gur-Gur şəlaləsinə baş çəkdikdən sonra Qrıza çatırıq. Qrız kəndi həm gözəl mənzərələri, həm də yerli qonaqpərvərliyi ilə tanınır. Kəndin tarixi yerlərini gəzdikdən sonra qonaq evində gecələyirik.

• Marşrutun uzunluğu: 19 km

• Marşrutun başlanğıc yüksəkliyi: 2170 m

• Maksimum yüksəklik: 2300 m

• Marşrutun bitmə yüksəkliyi: 2020 m

Səhər Qrız kəndini tərk edərək yolsuzluq maşını ilə Mıxtökən dağının ətəyinə gedirik. Mıxtökən silsiləsinin cənub yamacında yerləşən dağ yollarına çıxırıq. Yol boyu Qafqazın əzəmətli zirvələri, dərələri və alpin çəmənlikləri bizi müşayiət edir. Mıxtökən silsiləsində yürüş zamanı təbiətin vəhşi gözəlliyini, yabanı çiçəkləri və buzlaq suları ilə qidalanan dağ çaylarını yaxından seyr edirik.
Ardınca Laza kəndinə doğru enirik. Burada dar daş yollar, qədim dağ evləri və ətrafın möhtəşəm mənzərələri ilə tanış oluruq. Laza yürüşü zamanı şəlalələr, Qafqazın panoramik mənzərələri və yayla çəmənlikləri iştirakçılara unudulmaz təcrübə bəxş edir. Günün sonunda Laza kəndində yerli qonaqpərvərlik və dadlı ləzgi, eləcə də Azərbaycan dağ yeməkləri ilə istirahət edirik.

• Marşrutun uzunluğu: 20 km

• Marşrutun başlanma yüksəkliyi: 2020 m

• Maksimum yüksəklik: 2700 m

• Bitmə yüksəkliyi: 1700 m

Səhər yeməyindən sonra Laza kəndində trekkingə başlanılır. Marşrut Qafqaz dağlarının yan silsiləsi olan Şahdağ boyunca Yergikek kəndinə doğru uzanır. Yol boyu Qızılqaya və Mıxtökən silsilələrinin füsunkar mənzərələri açılır, dağ çayları və yaşıl vadilər yürüşü daha da maraqlı edir. Günün sonunda Yergikek kəndinə çatırıq. Burada kənd həyatı və yerli insanların dağ mühitindəki yaşam tərzi ilə tanış olmaq imkanı yaranır. Axşam kənd ətrafında istirahət edir və sakit

 dağ mənzərələrindən zövq alaraq yerli yeməklərin dadına baxırıq. Yergikek kəndində qonaq evində gecələyirik.

• Marşrutun uzunluğu: 10 km

• Marşrutun başlanma yüksəkliyi: 1650 m

• Maksimum yüksəklik: 2423 m

• Bitmə yüksəkliyi: 2375 m

• Çətinlik dərəcəsi orta

Səhər yeməyindən sonra Yergikek kəndindən trekking marşrutu davam edir. Yürüşün bu hissəsi daha sakit və təbiət baxımından olduqca zəngindir. Dağ yamacları boyunca hərəkət edərkən Kukur dərəsinin dərin vadiləri, uzaqda isə Şahdağ silsiləsinin mənzərələri görünür. Yol boyu çəmənliklər, kiçik bulaqlar və kənd otlaqları ilə rastlaşırıq. Günortadan sonra Kukur kəndinə çatırıq. Nahar yeməyindən sonra Bakıya yola düşürük.

• Marşrutun uzunluğu: 13 km

• Marşrutun başlanma yüksəkliyi: 2375 m

• Maksimum yüksəklik: 2423 m

• Bitmə yüksəkliyi: 1585 m

• Çətinlik dərəcəsi: orta

• Bakı – Xınalıq kəndi nəqliyyatı (Sprinter, Vita)

• Kukur kəndi – Bakı (Sprinter, Vita)

• Kəndlər arası yükləri daşımaq üçün 4x4 maşın

• Dağ bələdçisi (7 iştirakçı üçün 1 bələdçi)

• Səhər yeməyi və şam yeməyi

• Kən evlərində gecələmək

❌Şəxsi geyim ləvazimatları

❌Yürüş müddəitdə qidalanma

❌Proqramda qeyd olunmayan digər xidmətlə

• Bel çantası (40-50 l)

• Su keçirməz bot (Waterproof)

• Külək və yağış keçirməz geyim (gödəkçə,şalvar) (Gore-tex)

• Tozluq

• Yürüş çubuqları

• Gün eynəyi, papaq, günəş kremi və s.

• Əlcək, papaq

• Corab (sintetik)

• Alın fanarı

• Ilk yardım çantası (şəxsi dərman və s.)

• Termos və su qabı

• Qida və su ehtiyyatı

Qeyd. Tur üçün götürüləcək ləvazimatlar mövsümə görə dəyişir. Tur programdan öncə təşkilatçı ilə məsləhətləşməniz lazımdır

• Qeydiyyat və İcazə: Turda iştirak üçün ən azı 30 gün öncədən qeydiyyatdan keçmək və ödənişi tam etmək tələb olunur. 
  

• Rezervasiyanın Ləğvi və Geri Ödəniş:
  

  • Tur tarixindən 30 gün əvvəl ləğv edildikdə məbləğ tam geri qaytarılır.

  • 15 gün əvvəl ləğv edildikdə məbləğin 70%-i geri qaytarılır (30%-i tutulur).

  • 7 gün qalmış ləğv edildikdə məbləğin 50%-i geri qaytarılır.

  • 5 gün və daha az qalmış ləğv edilən rezervasiyalar üçün ödəniş geri qaytarılmır.

• Tur Proqramının Dəyişdirilməsi: Hava şəraiti, ictimai hadisələr və digər gözlənilməz hallar səbəbindən tur rəhbəri proqramı dəyişdirmək və ya ləğv etmək hüququna malikdir.
  

• Qrup sayı 3, 7 və ya 14 nəfər ola bilər, fərqli qrup tələbləriniz üçün bizimlə əlaqə saxlayaraq fərdi qiymət ala bilərsiniz.

• Mobil Rabitə: Dağ şəraitində bəzi yerlərdə mobil rabitə işləməyə bilər. Ən yaxşı əlaqə Azercell operatoru vasitəsilə mümkündür.
  

• Qidalanma və Avadanlıq: Dağ şəraitində qidalanma və yemək bişirmə iştirakçının öz öhdəliyindədir.
  

• Fərdi Sorğular: Tur məzmununa fərqli yerlər və ya yeməklər əlavə etmək və ya çıxarmaq istəyirsinizsə, bizimlə əlaqə saxlayın.

• Bəxşişlər: Xidmətlərdən məmnun qaldığınız halda bəxşiş vermək şəxsi seçiminizdir.