Zirvə turuna qatılmadan əvvəl, turla bağlı bütün detallarla tanış olmağınız məsləhətdir. Bu, xüsusən zirvəyə ilk dəfə yola düşənlər üçün faydalıdır və sürprizlərlə qarşılaşmamağınıza kömək edəcək. Fiziki çətinliklər, yolun uzunluğu və hava şəraiti haqqında əvvəlcədən məlumatlı olmaq, hazırlıqlı olmağınızı təmin edəcək.
1-ci Gün: Bakı - Xınalıq - Düşərgə
Bakıdan Quba şəhərinə yola düşürük (3 saat). Son alış-verişimizi etdikdən sonra Xınalıq kəndinə yola düşürük (2 saat). Xınalıq kəndinə çatdıqdan sonra dağ maşınlarıyla piyada düşərgəyə doğru yola çıxırıq. 2 saatlıq yürüşdən sonra 2600 m yüksəklikdə yerləşən düşərgəmizə çatırıq. Çadırlarımızı qurduqdan sonra dincəlirik. 3000 m yüksəkliyə uyğunlaşmaq üçün yürüş edirik. Gecəni çadırlarda qalırıq.
2-ci Gün: Düşərgə- Xınalıq dağı- Xınalıq - Bakı
Yuxudan oyanma vaxtı 04:00. Səhər yeməyimizi yeyib və hazırlıqlarımızı tamamlayaraq, Xınalıq zirvəsinə doğru yola düşürük. Zirvəyə gedən sıldırım yolla maraqlı bir yürüşün ardından zirvəyə çatırıq. Zirvə yolumuz 5-6 saat davam edəcək. Şəkillərimizi çəkib, qısa bir istirahət etdikdən sonra düşərgəyə doğru enişə başlayırıq. Düşərgəyə enişimiz 3-4 saat davam edəcək. Düşərgə ərazisinə yetişdikdən sonra çadırlarımızı toplayıb, Xınalıq kəndinə doğru yola düşürük. Xınalıqda sprinter maşınımızla Bakıya yola çıxırıq. Axşam saat 22:00-da Bakıya çatırıq.