Mən, Şaiq Allahyarov, 1996-cı ilin 3 martında Quba rayonunun əsrarəngiz Qrız kəndində dünyaya göz açmışam. Dağlar uşaqlıqdan mənim evim, yol yoldaşım və ilham mənbəyim olub. Hər qarışını tanıdığım bu sıldırım qayalar, dumanlı vadilər və ucsuz-bucaqsız zirvələr mənim üçün sadəcə təbiət mənzərəsi deyil – macəralarla dolu bir həyat tərzidir.
Uzun illərdir Quba-Qusar və Azərbaycanın digər bölgələrində zirvə yürüşləri, trekking və hiking marşrutlarında bələdçilik edirəm. Hər yeni səfər mənim üçün təkcə yolçuluq deyil, həm də insanları təbiətlə birləşdirən bir körpüdür. Çətin yolları asanlaşdırmaq, zirvələrə aparan ən gözəl yolları göstərmək mənim üçün bir missiyadır.
Dağlar çağırır – mən isə bu çağırışı hiss edənlər üçün yol açmağa hazıram.
- Təcrübə: 10 il
- Zirvələr: 50+
- İxtisas: Dağ bələdçisi, Bələdçi
