Kuzun və Laza kəndlərini birləşdirən tarixi cığır biz dağçılar üçün də çox önəmli və maraqlıdır. Əvvəlki illərdə Azərbaycanın ən yüksək dağlarına yürüş edən dağçılar bu cığırı istifadə ediblər. Xınalıq və Laza kəndinə maşın yolu olmadığı üçün dağçılar Kuzun – Laza Şahyaylaq marşrutunu istifadə etməyə üstünlük veriblər.Yürüşümüzə Kuzun kəndində 1270 m yüksəklikdən başlayacağıq. Qusar çayın sol sahili ilə yürüşümüzə davam edəcəyik. Yürüş zamanı Qızılqaya, Şahdağ silsilələrinin və Qusar çayın üzərinə yerləşən Şəlalənin gözəl mənzərəsinə yürüşümüzü davam edəcəyik. Laza kəndinə yetişdikdən sonra kənd ərazisinə yaxın şəlaləyə də səfər edəcəyik. Yürüşümüz kənd evində çay fasiləsi ilə tamamlanacaq.