Azərbaycan dünyada palçıq vulkanlarının sayına görə liderdir. Bu maraqlı təbiət hadisəsini canlı görmədən onun qeyri-adiliyini hiss etmək mümkün deyil.

Bakı yaxınlığında dünyanın ən fərqli təbiət hadisələrindən hesab olunan çox sayda palçıq vulkanı mövcuddur. Palçıq vulkanları köpüklü və bəzən püskürməyə hazır görünüşü ilə tanınır. Ölkəmizdə təxminən 400 palçıq vulkanı qeydə alınıb. Onların ölçüsü normal vulkanlardan kiçik olsa da, daha tez-tez püskürməsi ilə seçilir. Palçıq vulkanlarının diametri  maksimum təxminən 10 m, hündürlüyü isə 400 metrdir (dünyanın ən böyük palçıq vulkanları – Böyük Kənizədağ və Torağay Azərbaycanda yerləşir).

Qobustan Azərbaycanın ən məşhur görməli yerlərindən biridir və il ərzində 1000-dən çox turisti cəlb edir.

Qobustan qayalarında insan, heyvan, kollektiv əmək, qayıq şəkilləri, döyüş və ov səhnələri təsvir edilmişdir.

Oyma, sürtmə, çapma və cızma üsulları ilə çəkilmiş təsvirlərin ən qədimləri eramızdan əvvəl VIII minilliyə aiddir.

Qayalardakı Roma yazısı eramızın 81-96-cı illərinə aiddir və altı sətirdən ibarətdir. Bu, Roma imperatoru Domisianın dövründə 12-ci Roma legionunun burada olduğunu göstərir.