Bazardüzü və Şahdağ zirvə turuna qatılmadan əvvəl, turla bağlı bütün detallarla tanış olmağınız məsləhətdir. Bu, xüsusən zirvəyə ilk dəfə yola düşənlər üçün faydalıdır və sürprizlərlə qarşılaşmamağınıza kömək edəcək. Fiziki çətinliklər, yolun uzunluğu və hava şəraiti haqqında əvvəlcədən məlumatlı olmaq, hazırlıqlı olmağınızı təmin edəcək.
Səyahət planı:
1-ci Gün: Bakı-Quba-Xınalıq-Xarıbülbül 2873 m
Quba rayonuna yola düşürük. Bakıdan Qubaya yol təxminən 3 saat çəkir. Qubada son alış-verişimizi etdikdən sonra Xınalıq kəndinə doğru hərəkət edirik. Xınalıq kəndində qonaq evlərində qalacağıq. Nahardan sonra yüksəkliyə uyğunlaşmaq üçün Xarıbülbül zirvəsinə (2783 m) qalxırıq. Kəndə enəndən sonra qonaq evində gecələyirik.
- Xarıbülbül zirvəsinin hündürlüyü: 2783 m
- Məsafə (gediş-dönüş): 6 km
- Xınalıq kəndinin hündürlüyü:2150 m
- Başlanğıc nöqtəsi: 2150 m
- Maksimum hündürlük: 2783 m
- Bakıdan Xınalığa qədər olan məsafə: 231 km
2-ci Gün: Xınalıq-Şahyaylaq-Bazardüzü düşərgə 3250 m
Qonaq evində səhər yeməyindən sonra biz 4x4 avtomobillərdən istifadə edərək Şahdağ Milli Parkına gedirik və burada Azərbaycan Respublikasının Dövlət Sərhəd Xidmətində qeydiyyat prosesini başa çatdırırıq. Bir saatlıq yol qət etdikdən sonra ilk Bazardüzü düşərgəsinə çatırıq. Oradan 4 km məsafə qət edərək 2 saatlıq yürüşdən sonra Bazardüzünün 3250 metr yüksəklikdə yerləşən ikinci düşərgəsinə çatırıq. Zirvəyə hazırlaşmazdan əvvəl çadırlarımızı qurur, nahar edir və bir az dincəlirik. Gecəni düşərgədə çadırlarda keçirəcəyik.
- Şahyaylaq – Bazardüzü düşərgəsi: 4 km
- Düşərgənin hündürlüyü: 3250 m
- Başlanğıc nöqtəsi: 2900 m
- Maksimum hündürlük: 3250 m
- Xınalıq – Şahyaylaq: 24 km
3-cü Gün: Bazardüzü düşərgə- Bazardüzü zirvə- Bazardüzü düşərgə
Səhər saat 04:00-da oyanaraq səhər yeməyimizi yeyir və Bazardüzü zirvəsinə qalxmağa başlayırıq. Zirvəyə gedən yol təxminən 6-7 saat çəkəcək. Bazardüzü zirvəsinə çatdıqdan sonra fotoşəkillər çəkir, nəfəskəsən mənzərənin dadını çıxarır və yenidən düşərgəyə enirik. Düşərgəyə eniş təxminən 3-4 saat davam edəcək. Burada nahar edir, dincəlir və istirahət edirik.
Gecəni düşərgədə çadırlarda keçirəcəyik.
- Məsafə (gediş-dönüş): 12 km
4-cü Gün: Bazardüzü düşərgə-Şahyaylaq- Şahdağ düşərgə
Oyanıb çadırlarımızı yığırıq. Sonra Bazardüzü birinci düşərgəsinə yola düşürük. Daha sonra Bazardüzü birinci düşərgəsindən Şahdağın ətəyinə çatmaq üçün dağ avtomobilindən istifadə edəcəyik. Təxminən bir saatlıq gəzintidən sonra düşərgəyə çatırıq. Yeməkdən sonra adaptasiya məqsədilə 3500 metr yüksəkliyə qalxacağıq. Gecəni burada çadırlarımızda keçirəcək və zirvə yürüşü üçün hazırlaşacağıq.
- Bazardüzü – Şahdağ (4x4 avtomobil):10km
- Düşərgənin hündürlüyü: 3100 m
- Şahyaylaq-Şahdağ düşərgə 2 km
5-ci Gün: Şahdağ düşərgə- Şahdağ zirvəsi -Xınalıq-Bakı
Saat 04:00-da oyanırıq və 05:00-da Şahdağ zirvəsinə qalxmağa başlayırıq. Yürüş təxminən 5-6 saat davam edəcək. Zirvəyə çatdıqdan sonra şəkillər çəkdirir və düşərgəyə qayıdırıq. Düşərgəyə eniş təxminən 3-4 saat çəkəcək.
Düşərgəyə çatdıqdan sonra yeməyimizi yeyir və avtomobil üçün təyin olunmuş görüşmə nöqtəsinə gedirik. Oradan kəndə yola düşür, daha sonra Bakıya qayıdırıq.
- Məsafə (gediş-dönüş): 12 km
- Şahyaylaq – Xınalıq:17 km
