Atlı tura qatılmadan əvvəl, turla bağlı bütün detallarla tanış olmağınız vacibdir. Bu, xüsusilə ilk dəfə at sürənlər üçün faydalıdır və gözlənilməz hallarla qarşılaşmağın qarşısını alır. Marşrutun çətinlik səviyyəsi, tələb olunan avadanlıqlar, məsafə və hava şəraiti haqqında öncədən məlumatlanmaq, tur boyunca daha rahat və təhlükəsiz hərəkət etməyinizə kömək edəcək.
Atlı Turun Planı:
1-ci GÜN: Bakı- Şəki
Bakıdan Şəki şəhərinə yola düşürük. Şamaxı şəhərində 15 dəqiqəlik fasilədən sonra yolumuza Şəkiyə doğru davam edirik. Qəbələdə, Nohur gölündə fasilə verdikdən sonra səfərimizi davam etdiririk. Şəkiyə çatdıqdan sonra hosteldə yerləşirik. Nahar yeməyindən sonra Şəki şəhərinin tarixi yerlərini Xan sarayı, Karvansaray və tarixi küçələrini ziyarət edirik. Gecəni hosteldə və ya qonaq evində keçiririk.
2-ci GÜN: Kiş kəndi – Şam meşəsi – Gələrsən – Görərsən qalası – Kiş kəndi
Oteldə səhər yeməyindən sonra maşınlarla Kiş kəndinə yola düşürük. Kəndə çatdıqdan sonra tarixi Alban məbədinə doğru hərəkət edirik. Kişin qədim küçələri ilə irəliləyərək Alban məbədini ziyarət edirik. Buradakı gəzintimizi tamamladıqdan sonra Gələrsən-Görərsən qalasına doğru yolumuza davam edirik.
Kiş çayını keçərək Şam meşəsinə daxil oluruq. Meşənin füsunkar mənzərələri içərisində qalaya doğru irəliləyirik və Gələrsən-Görərsən qalasına çatırıq. Burada istirahət edir, tarixi qalanı kəşf etdikdən sonra Kiş kəndinə geri qayıdırıq.
-
Məsafə(gediş- gəliş): 7 km
-
Başlanğıc hündürlüyü: 1020 m
-
Maksimum hündürlük: 1260 m
-
Bitirmə hündürlüyü: 1020m
3-cü GÜN: Kiş kəndi – Kiş çayı– Marxal- Xan yaylağı-Bakı
Oteldə səhər yeməyindən sonra Kiş kəndinə yola düşürük.Kiş kəndində Atlarımızla Xan yaylağına doğru yolumuzu davam edirik. Kiş kəndi keçib, Marxal otelin həyəti ilə Xan yaylağına doğru yolumuzu davam edirik. Xan yaylağının 2088 m yüksəkliyinə çatırıq. Yaylaqdan Qafqaz dağlarına və Şəki şəhərinə açılan mənzərəni seyr edərək dincəlirik. Kiş kəndinə doğu enirik. Yürüşümüzü
tamamlayıb, Bakıya geri dönürük.
-
Məsafə ( gediş- gəliş): 15 km
-
Başlanğıc hündürlüyü: 1020 m
-
Maksimum hündürlük: 2088 m
-
Bitirmə hündürlüyü: 1020 m
Turun Qiymətinə Daxil Olan Xidmətlər:
-
Bakı – Şəki – Kiş kəndi – Bakı (Mercedes vita, sprinter)
-
Şəki – Kiş kəndi – Şəki (4x4 maşınlar)
-
Dağ və at bələdçisi (7 nəfər üçün 1 bələdçi)
-
Atlar
-
Oteldə gecələmə (səhər yeməyi daxil 2 gecə)
Turun Qiymətinə Daxil Olmayan Xidmətlər:
Lazım olan ləvazimatlar:
-
Bel çantası 30-40 L (tur müddətində istifadə etmək üçün)
-
Yürüş üçün rahat ayyaqqabı
-
Yürüş üçün rahat şalvar və gödəkçə
-
Havaya uyğun eynək, papaq və s.
-
Günəşdən qorunmaq üçün krem
-
Su qabı
-
Termos
-
Dəbilqə
Qeyd. Tur üçün götürüləcək ləvazimatlar mövsümə görə dəyişir. Tur programdan öncə təşkilatçı ilə məsləhətləşməniz lazımdır.
Əlavə Məlumat və Şərtlər:
-
Qeydiyyat və İcazə: Turda iştirak üçün ən azı 30 gün öncədən qeydiyyatdan keçmək və ödənişi tam etmək tələb olunur.
-
Rezervasiyanın Ləğvi və Geri Ödəniş:
-
Tur tarixindən 30 gün əvvəl ləğv edildikdə məbləğ tam geri qaytarılır.
-
15 gün əvvəl ləğv edildikdə məbləğin 70%-i geri qaytarılır (30%-i tutulur).
-
7 gün qalmış ləğv edildikdə məbləğin 50%-i geri qaytarılır.
-
5 gün və daha az qalmış ləğv edilən rezervasiyalar üçün ödəniş geri qaytarılmır.
-
Tur Proqramının Dəyişdirilməsi: Hava şəraiti, ictimai hadisələr və digər gözlənilməz hallar səbəbindən tur rəhbəri proqramı dəyişdirmək və ya ləğv etmək hüququna malikdir.
-
Qrup sayı 3, 7 və ya 14 nəfər ola bilər, fərqli qrup tələbləriniz üçün bizimlə əlaqə saxlayaraq fərdi qiymət ala bilərsiniz.
-
Mobil Rabitə: Dağ şəraitində bəzi yerlərdə mobil rabitə işləməyə bilər. Ən yaxşı əlaqə Azercell operatoru vasitəsilə mümkündür.
-
Qidalanma və Avadanlıq: Dağ şəraitində qidalanma və yemək bişirmə iştirakçının öz öhdəliyindədir.
-
Fərdi Sorğular: Tur məzmununa fərqli yerlər və ya yeməklər əlavə etmək və ya çıxarmaq istəyirsinizsə, bizimlə əlaqə saxlayın.
- Bəxşişlər: Xidmətlərdən məmnun qaldığınız halda bəxşiş vermək şəxsi seçiminizdir.
