Azərbaycanın ən füsunkar trekking marşrutlarından biri olan Əlik – Haput – Xınalıq – Qalaxudat – Qrız – Qrızdəhnə marşrutu sizi Böyük Qafqaz dağlarının qoynuna, qədim kəndlərə və sirli tarixin izlərini daşıyan cığırlara aparacaq. Bu tur həm təbiət həvəskarları, həm də mədəniyyət və tarixlə maraqlanan səyahətçilər üçün unikal bir təcrübə vəd edir.
Marşrutun Xüsusiyyətləri
Bu yürüş marşrutu Azərbaycanın ən yüksək dağ kəndlərini birləşdirir. Trekking zamanı Xınalıq və Qızıl Qaya silsilələrini aşacaq, dəniz səviyyəsindən 2400 metrdən yuxarı yüksəkliklərdə qədim karvan yollarının izləri ilə irəliləyəcəksiniz. Əsrarəngiz dağ mənzərələri, yay otlaqları, sıldırım qayalar və gözoxşayan vadilər tur boyunca sizə unudulmaz anlar yaşadacaq.
Qədim Dağ Kəndləri və Yerli Xalqlar
Bu marşrut boyunca siz fərqli mədəniyyətlər və etnik qruplarla tanış olacaqsınız. Qədimdən bəri Böyük Qafqazın yüksək dağ kəndlərində Xınalıqlar, Qrızlar, Haputlar və Ləzgilər məskunlaşıb. Bu xalqların hər biri özünəməxsus dili, mədəniyyəti və yaşayış tərzi ilə fərqlənir.
Xınalıq kəndi – Dünyanın ən qədim və ən yüksəkdə yerləşən yaşayış məntəqələrindən biridir. Xınalıqlar özlərinə məxsus unikal dilə malikdir və bu dil yalnız Xınalıq kəndində danışılır.
Qrız və Qrızdəhnə kəndi – Dağların qoynunda yerləşən bu kəndin sakinləri Qrız dilində danışırlar və onların tarixi yüz illər öncəyə dayanır.
Qalaxudat - Bu kənddə Azərbaycanlılar yaşayır.
Haput kəndləri – Burada əsasən Şahdağ dil qrupu ailəsinə daxil olan və bu bölgədə çox az insana məxsusbir xalqdır.
Tur Boyunca Yaşayacağınız Təcrübələr
Qədim Karvan Yolları ilə Səyahət – Bu trekking marşrutu ticarət yollarının və Böyük İpək Yolunun keçdiyi tarixi cığırlardan keçir. Bu yollar qədimdən bəri tacirlər və səyyahlar tərəfindən istifadə olunub.
Yerli Mətbəxi Kəşf Edin – Dağ kəndlərində sizə Qrız qutabı, Xınalıq çörəyi, təndir çörəyi, şor və təbii qaymaq, ət və süd məhsullarından hazırlanan yeməklər təqdim olunacaq.
Fərqli İnsanlarla Tanışlıq – Bu turda siz fərqli dillərdə danışan, qədim adət-ənənələrini qoruyub saxlayan insanlarla bir arada olacaqsınız. Onların həyat tərzi və qonaqpərvərliyi sizdə unudulmaz təəssüratlar yaradacaq.
Dağların Sehrini Yaşayın – Yüksək dağlardan aşağı vadilərə enərkən, sıldırım qayalar, gur axan çaylar, yaşıl meşələr və geniş yaylaqlar sizi valeh edəcək.
