Beşbarmaq dağı - Azərbaycanın Siyəzən rayonunda, Xəzər dənizinə yaxın ərazidə yerləşir. Bakı-Quba magistral yolundan baxaraq dəniz səviyyəsindən 470 m yüksəkliyi olan dağı görə bilərsiniz. Dağ möhkəm qayadır və mifik hekayələri ilə tanınan Qafqazın ən məşhur dağlarından biridir. Bu, zəvvarların müntəzəm ziyarəti üçün müqəddəs bir yerdir. El arasında bura Xızır-Zində piri də deyilir. Bu pir Azərbaycanda kifayət qədər məşhurdur və bəziləri oranı müqəddəs ziyarətgah hesab edir. Dağın zirvəsində ətraf ərazi və Xəzər dənizinə gözəl mənzərə açılır. Dağın üzərində və ətraf ərazidə III-VII əsrlərdə Sasanilər imperiyasının dövründə tikilmiş Beşbarmaq, sonra Gilgilçay, daha sonra isə Xəzər dənizi boyunca Azərbaycan ərazisinə hücum edən massagetlər, xəzərlər, hunlar, alanlar kimi köçəri qəbilələrdən qorunmaq üçün Dərbənd sistemi tikilib. Dağa ətraf ərazidən baxanda əlin beş barmağına bənzəyir.
Tur haqqında
Hiking turuna qatılmadan əvvəl, turla bağlı bütün detallarla tanış olmağınız məsləhətdir. Bu, xüsusən təbiət yürüşlərinə ilk dəfə yola gedənlər üçün faydalıdır və sürprizlərlə qarşılaşmamağınıza kömək edəcək. Fiziki çətinliklər, lazım olan ləvazimatlar, yolun uzunluğu və hava şəraiti haqqında əvvəlcədən məlumatlı olmaq, hazırlıqlı olmağınızı təmin edəcək.
Səyahət planı:
06:40 – Təyin edilmiş yerdə toplanış
07:00 – 10:00 Bakı – Siyəzən – Qalaşıxlı kəndi
10:00 – 13:00 Qalaşıxlı kəndi – Beşbarmaq dağı
13:00 – 14:00 Piknik vaxtı
14:00 – 17:00 Beşbarmaq dağı - Qalaşıxlı kəndi
17:00 – 19 :00 Qalaşıxlı kəndi – Bakı
Turun Qiymətinə Daxildir:
✅Nəqliyyat (Bakı - Siyəzən -Qalaşıxlı kəndi- Bakı)
✅Dağ bələdçisi
✅Fotoçəkiliş
Turun Qiymətinə Daxil Deyil:
❌Qidalanma
❌Yürüş üçün istifadə olunacaq ləvazimat və geyim
❌Programdan xaric istəklər
Lazım olan ləvazimatlar:
-
Bel çantası (həcmi 20-35 l)
-
Rahat yürüş ayaqqabısı
-
Şalvar və gödəkçə (sukeçirməz arzu olunandır)
-
Papaq, eynək, əlcək
-
Su və qida (sendviç, buterbrod və s.)
-
Yürüş çomağı
-
Termos
Qeyd. Tur üçün götürüləcək ləvazimatlar mövsümə görə dəyişir. Tur programdan öncə təşkilatçı ilə məsləhətləşməniz lazımdır.
Əlavə məlumatlar:
❌Turdan döndükdən sonra dəyişmək üçün əlavə paltar və ayaqqabıda götürə və götürdüyünüz əlavə əşyalar maşında saxlaya bilərsiz. Tur üçün götürüləcək ləvazimatlar mövsümə görə dəyişir. Turun tarixindən əvvəl təşkilatçı komanda ilə dəqiqləşdirməyiniz lazımdır.
❌Tur bələdçisi hava şərtləri, ictimai hadisələr və hər cür fövqaladə hadisələr qarşısında, tur proqramında dəyişiklik və ləğv etmə haqqına malikdir.
❌1 günlük yürüşlərdə 3 gün qalmış ləğv edənlərə 50% geri ödəniş, 1 gün qalmış ləğv edənlərə isə ödəniş geri qaytarılmır. Turun proqramında qeyd olun müddət şərti yazılmışdır. Qrupun yürüş tempinə görə artıb-azala bilər.
