Lerik rayonunun Mistan kəndində başlayacaq Mistan Dağı Turu, dağçılıq sevərlər və təbiət həvəskarları üçün mükəmməl bir səyahət təklif edir. 2328 metr yüksəklikdəki Dızdilıq zirvəsi bu dağ silsiləsinin ən yüksək nöqtəsi olub, zirvədən İran sərhədində yerləşən Talış dağlarının ən hündür Gömürgöy (2493 m) və Qızyurdu (2433 m) zirvələrinə gözəl mənzərə açılır. Həmçinin, Savalan dağı (4811 m), İranın ərazisindəki yüksək dağlardan birini görmək fürsəti əldə edəcəksiniz. Yürüşümüz 1831 metr yüksəklikdə yerləşən Mistan kəndindən başlayacaq və sizi təbiətin ən gözəl mənzərələri ilə qarşılayacaq. Bu tur, dağların zirvəsinə çatmaqla yanaşı, həm də insanın özünə olan yolculuğudur. Səyahətinizin sonunda həyatın dəyərini və təbiətin gücünü bir daha hiss edəcəksiniz!
Tur haqqında
Hiking turuna qatılmadan əvvəl, turla bağlı bütün detallarla tanış olmağınız məsləhətdir. Bu, xüsusən təbiət yürüşlərinə ilk dəfə yola gedənlər üçün faydalıdır və sürprizlərlə qarşılaşmamağınıza kömək edəcək. Fiziki çətinliklər, lazım olan ləvazimatlar, yolun uzunluğu və hava şəraiti haqqında əvvəlcədən məlumatlı olmaq, hazırlıqlı olmağınızı təmin edəcək.
Səyahət planı:
06:40 – Təyin edilmiş yerdə toplanış
07:00 – 12:00 Bakı – Lerik (avtobus)
12:00 – 12:30 Lerik-Mistan (dağ nəqliyyatı)
12:30 – 17:00 Zirvəyə yürüşə başlamaq və Mistan kəndinə qayıdış hiking
17:00 – 17:30 Kənd evində çay fasiləsi
17:30 – 18:00 Dağ maşınları ilə geri dönürük.
18:00 – 23:00 Bakıya qayıdırıq
Turun Qiymətinə Daxildir:
✅Nəqliyyat (Bakı - Lerik - Bakı)
✅Dağ bələdçisi
✅Fotoçəkiliş
✅Kənd evində çay süfrəsi
Turun Qiymətinə Daxil Deyil:
❌Qidalanma
❌Yürüş üçün istifadə olunacaq ləvazimat və geyim
❌Programdan xaric istəklər
Lazım olan ləvazimatlar:
-
Bel çantası (həcmi 20-35 l)
-
Rahat yürüş ayaqqabısı
-
Şalvar və gödəkçə (sukeçirməz arzu olunandır)
-
Papaq, eynək, əlcək
-
Su və qida (sendviç, buterbrod və s.)
-
Yürüş çomağı
-
Termos
Qeyd. Tur üçün götürüləcək ləvazimatlar mövsümə görə dəyişir. Tur programdan öncə təşkilatçı ilə məsləhətləşməniz lazımdır.
Əlavə məlumatlar:
❌Turdan döndükdən sonra dəyişmək üçün əlavə paltar və ayaqqabıda götürə və götürdüyünüz əlavə əşyalar maşında saxlaya bilərsiz. Tur üçün götürüləcək ləvazimatlar mövsümə görə dəyişir. Turun tarixindən əvvəl təşkilatçı komanda ilə dəqiqləşdirməyiniz lazımdır.
❌Tur bələdçisi hava şərtləri, ictimai hadisələr və hər cür fövqaladə hadisələr qarşısında, tur proqramında dəyişiklik və ləğv etmə haqqına malikdir.
❌1 günlük yürüşlərdə 3 gün qalmış ləğv edənlərə 50% geri ödəniş, 1 gün qalmış ləğv edənlərə isə ödəniş geri qaytarılmır. Turun proqramında qeyd olun müddət şərti yazılmışdır. Qrupun yürüş tempinə görə artıb-azala bilər.
