Qayayadırmanma turuna qatılmadan əvvəl, turla bağlı bütün detallarla tanış olmağınız tövsiyə olunur. Bu, xüsusilə ilk dəfə dırmanışa gələnlər üçün faydalıdır və gözlənilməz hallarla qarşılaşmamağa kömək edəcək. Fəaliyyətin fiziki çətinlik səviyyəsi, lazım olan təhlükəsizlik avadanlıqları, marşrutun xüsusiyyətləri və hava şəraiti barədə əvvəlcədən məlumatlı olmaq, sizi daha hazırlıqlı və təhlükəsiz edəcək.
Səyahət planı:
07:40 – Təyin edilmiş yerdə görüş
08:00 - 09:00 – Bakı–Nardaran transferi
09:00 - 16:00 – Qayayadırmanma təlimi və praktiki məşqlər
16:00 - 17:00 – Bakıya geri dönüş
Turun Qiymətinə Daxildir:
✅Bakı–Nardaran–Bakı nəqliyyatı
✅Peşəkar qayayadırmanma təlimçisi
✅Qayayadırmanma ləvazimatları: (kəmər, karabin, ip, təhlükəsizlik aləti - ATC)
✅Qayayadırmanma üzrə giriş dərsi və təhlükəsizlik təlimatı
✅Avadanlıqlardan istifadə və sığorta texnikalarının öyrənilməsi
✅Fərqli çətinlik səviyyələrində real dırmanış təcrübəsi
✅Təbiət içində rahat atmosfer və dəniz mənzərəsində istirahət
Turun Qiymətinə Daxil Deyil:
❌Qidalanma
❌Dırmanış üçün şəxsi geyim
❌Tur proqramından kənar fərdi istəklər
❌Dırmanma ayaqqabısı (istəyə bağlı olaraq)
Lazım olan ləvazimatlar:
- Bel çantası (20-35 litr həcmində)
- Rahat yürüş ayaqqabısı
- Şalvar və gödəkçə (sukeçirməz olması tövsiyə olunur)
- Papaq, eynək, əlcək
- Su və yüngül qida (sendviç, buterbrod və s.)
- Termos (isti içkilər üçün)
Qeyd: Tur üçün götürüləcək ləvazimatlar mövsümə uyğun seçilməlidir. Turdan əvvəl təşkilatçı ilə məsləhətləşməyiniz tövsiyə olunur.
Əlavə Məlumat və Şərtlər:
Dırmanışdan sonra dəyişmək üçün əlavə paltar və ayaqqabı götürə bilərsiniz. Əlavə əşyalarınızı nəqliyyatda saxlamaq mümkündür.
Hava şəraiti: Tədbirin baş tutması hava şəraitindən asılıdır. Güclü külək, yağış və ya fırtına halında təlim/tur başqa günə keçirilə bilər.
Fiziki hazırlıq: İştirakçılar normal fiziki sağlamlığa malik olmalıdırlar. Ürək, tənəffüs və ya hərəkət sistemində ciddi problemi olan şəxslərə tövsiyə olunmur.
Yaş məhdudiyyəti: Qayayadırmanma təlimlərinə minimum yaş həddi 14-dir. 18 yaşdan aşağı iştirakçılar valideyn nəzarəti və yazılı icazə ilə qəbul edilir.
Təhlükəsizlik avadanlıqları: Bütün təhlükəsizlik avadanlıqları (kəmər, kask, iplər və s.) təşkilatçı tərəfindən təmin olunur. İstəyənlər şəxsi avadanlıqlarını da gətirə bilər, lakin əvvəlcədən uyğunluğu yoxlanılmalıdır.
Geyim və ayaqqabı: İdman geyimi və rahat, sürüşməyən idman ayaqqabısı geyinmək vacibdir. Günəşdən qorunmaq üçün papaq və günəş eynəyi tövsiyə olunur.
İştirak haqqı və qeydiyyat: İştirak yalnız öncədən qeydiyyat və ödənişlə mümkündür. Ləğv və ya dəyişiklik hallarında təşkilatçı ilə əlaqə saxlanılmalıdır.
Foto və video çəkilişi: Tədbir zamanı çəkilmiş foto və videolar tanıtım məqsədilə istifadə oluna bilər. Əgər bu sizə uyğun deyilsə, öncədən bildirin.
