Düşərgə turuna qatılmadan əvvəl, turla bağlı bütün detallarla tanış olmağınız vacibdir. Bu, xüsusilə ilk dəfə dağ yürüşünə çıxanlar üçün faydalıdır və gözlənilməz hallarla qarşılaşmağın qarşısını alır. Marşrutun çətinlik səviyyəsi, tələb olunan avadanlıqlar, məsafə və hava şəraiti haqqında öncədən məlumatlanmaq, tur boyunca daha rahat və təhlükəsiz hərəkət etməyinizə kömək edəcək.
Səyahət planı:
1-ci Gün: Bakı – Qusar (Laza) – Düşərgənin qurulması – Qayayadırmanma hazırlığı
Səhər saatlarında Bakıdan yola çıxırıq. Təxminən 3 saatlıq yol qət etdikdən sonra Qusar rayonunun Laza kəndi yaxınlığında, Şahdağ Milli Parkının ətəyində yerləşən düşərgə ərazisinə çatırıq. Gəlişdən sonra çadırlara yerləşirik, istirahət və qısa tanışlıqdan sonra qayayadırmanma məkanına yollanırıq. Burada ərazi ilə tanış olur, təhlükəsizlik qaydaları və avadanlıqlar barədə qısa təlim keçirik. Ardınca Laza şəlalələrinə qısa yürüş edirik.
Günün ikinci yarısında qayayadırmanma üzrə məşqlərə və praktiki dırmanma fəaliyyətlərinə başlayırıq. Axşam saatlarında tonqal ətrafında voleybol, frisbi, ip dartma, UNO, Mafia və digər əyləncəli oyunlarla günümüzü yekunlaşdırırıq.
Gecəni çadırlarda qalaraq ulduzlu səmanın sehri və təbiətin sakitliyi altında unudulmaz bir gecə keçiririk.
2-ci Gün: Səhər yürüşü – Düşərgə fəaliyyəti – Qayayadırmanma – Bakıya qayıdış
Səhər hər kəs quşların səsi və təbiətin sakitliyi ilə istədiyi vaxt oyanır. Səhər yeməyindən sonra ilk fəaliyyətimiz Suvar şəlaləsinə yürüş olacaq. Möhtəşəm mənzərələr və sərin dağ havası tur iştirakçılarına unudulmaz anlar yaşadacaq.
Yürüşdən sonra düşərgəyə qayıdırıq və günün ikinci yarısında qayayadırmanma fəaliyyətlərimizi davam etdiririk. Yeni marşrutlarda dırmanma və komanda şəklində oyunlarla təcrübə artırmaq imkanı yaradılır.
Saat 17:00-da çadırlarımızı yığıb ərazini səliqəyə salır və Bakı istiqamətində yola düşürük
Tura Daxil Olanlar:
- Nəqliyyat (Bakı – Qusar rayonu – Laza kəndi – Bakı)
- Əşyaların düşərgə ərazisinə çatdırılması (4x4 nəqliyyat vasitələri)
- Dağ bələdçisi
- Qayayadırmanma təlimçisi
- Düşərgə təşkilatçısı
- Kamp ləvazimatları (çadır, yataq kisəsi, mat)
- Qayayadırmanma ləvazimatları (ip, karabin, ATC, təhlükəsizlik kəməri)
- Düşərgədə ocaq və isti çay
- Fotoçəkiliş
- Düşərgənin təşkili
Əyləncəli oyunlar:
Qeyd: Oyunlar iştirakçılar tərəfindən qəbul edildiyi halda keçirilir.
Tura Daxil Olmayanlar:
❌Şəxsi geyim ləvazimatları
❌Yürüş və düşərgə müddəitdə qidalanma
❌Proqramda qeyd olunmayan digər xidmətlə
Lazımi ləvazimatlar:
-
Bel çantası (düşərgəyə gətirəcəyiniz əşyalarınızın yerləşəcəyi 30-40 l həcmində)
-
Yürüş üçün rahat ayyaqqabı
-
Yürüş üçün rahat şalvar və gödəkçə
-
Havaya uyğun eynək, papaq və s.
-
Yürüş çomağı
-
Termos
Qeyd. Tur üçün götürüləcək ləvazimatlar mövsümə görə dəyişir. Tur programdan öncə təşkilatçı ilə məsləhətləşməniz lazımdır.
Əlavə Məlumat və Şərtlər:
Ocaq başında bişirmək üçün qida ehtiyatı özünüzlə götürməyi unutmayın.
1 həftə qalmış ləğv edənlərə 50% geri ödəniş, 3 gün qalmış ləğv edənlərə isə ödəniş geri qaytarılmır.
Tur ərzində spirtli içki qadağandır!
Tur bələdçisi hava şərtləri, ictimai hadisələr və hər cür fövqaladə hadisələr qarşısında, tur proqramında dəyişiklik və ləğv etmə haqqına malikdir.
Turun proqramında qeyd olun müddət şərti yazılmışdır. Şərtlərin dəyişməsinə görə təşkilatçılar proqramda müəyyən dəyişiklik edə bilər.
