Dağlardan Qədim Şəhərlərə: Unudulmaz Azərbaycan Turu

Dağlardan Qədim Şəhərlərə: Unudulmaz Azərbaycan TuruDağlardan Qədim Şəhərlərə: Unudulmaz Azərbaycan TuruDağlardan Qədim Şəhərlərə: Unudulmaz Azərbaycan Turu

Dağlardan Qədim Şəhərlərə: Unudulmaz Azərbaycan TuruDağlardan Qədim Şəhərlərə: Unudulmaz Azərbaycan Turu

Tur haqqında

50km Məsafə

9 Gün

2170m Başlangıc

Unudulmaz bir səfərə çıxmağa hazırsınızmı? Xınalıq–Qrız–Laza–Kuzun trekking marşrutu ilə Azərbaycanın ən hündür dağ kəndlərini birləşdirən möhtəşəm bir macəraya qoşulun!

Bu ecazkar marşrut sizə Böyük Qafqaz dağlarının qoynunda unikal mənzərələr təqdim edəcək. Vadilər, alp gölləri, sıx meşələr və vəhşi təbiətin nəfəskəsici gözəlliyi – hər addımda sizi yeni kəşflər gözləyir. Yol boyu qədim karvan yollarını, qala xarabalıqlarını və keşikçi qüllələrini kəşf edərək, əsrlərdir qorunub saxlanılan mədəniyyətlərin izlərini tapacaqsınız. Burada siz yerli xalqın qonaqpərvərliyi ilə tanış olacaq, onların ənənəvi mətbəxindən dadacaq və hekayələrini dinləyəcəksiniz.

Trekking səyahətindən sonra Böyük Qafqazın şimalından cənubuna doğru qədim şəhərləri kəşf edərək macəranızı davam etdirəcəksiniz. Şamaxının tarixi məscidləri, Qobustanın minilliklərə şahidlik edən qayaüstü rəsmləri, Qəbələnin yaşıl vadiləri və Şəkinin nağılları xatırladan sarayları sizi əsrlər öncəyə aparacaq. Naftalanda bədəninizə və ruhunuza şəfa bəxş edən müalicəvi vannalarla yenilənəcək, daha sonra Bakının qədim abidələri və sərin gecə mehinin müşayiəti ilə turumuzu tamamlayacağıq.

Bu macəra sizə yalnız gözəl mənzərələr deyil, həm də dərin duyğular, yeni dostluqlar və unudulmaz xatirələr bəxş edəcək. Özünüzü tapmaq, ruhunuzu təzələmək və həyatınızın ən maraqlı səyahətini yaşamaq üçün indi qoşulun!

Professional bələdçi

Daxildir

Foto və Video

Mədəniyyət turuna qatılmadan əvvəl, turun bütün detalları ilə tanış olmağınız məsləhətdir. Bu, xüsusilə Azərbaycana ilk dəfə səfər edənlər üçün faydalıdır və gözlənilməz situasiyalarla qarşılaşmamağınıza kömək edəcək. Tarixi abidələrin ziyarəti, milli mətbəxin dadına baxmaq və yerli adət-ənənələrlə tanış olmaq üçün əvvəlcədən məlumatlı olmaq, turdan maksimum zövq almağınızı təmin edəcək. Səfər zamanı gediləcək məkanların xüsusiyyətləri, hava şəraiti və mədəni protokollar haqqında öncədən bilmək, daha rahat və xoş təcrübə yaşamağınıza kömək edəcək.

1-ci Gün: Hava limanı - Bakı Oteli

Hava limanında qarşılanma və otelə transfer.

Oteldə istirahət və nahardan sonra Bakıda şəhər turuna çıxacağıq. Tur çərçivəsində Atəşgah, Ramani qalası, Yanar dağ və axşam Şəhidlər Xiyabanını ziyarət edəcəyik. Gecəni Bakıda oteldə keçirəcəyik.

2-ci Gün: Şəkər Dağları – Beşbarmaq dağı – Xınalıq kəndi

Səhər oteldə səhər yeməyindən sonra Qubaya yola düşürük. İlk dayanacağımız Xızı rayonunda yerləşən Konfet Dağları olacaq. Burada qısa fasilə etdikdən sonra avtomobillərimizə qayıdırıq və Beşbarmaq dağına doğru yol alırıq. Burada dağın zirvəsindən Xəzər dənizinin mənzərəsini seyr edə bilərik. Düşdükdən sonra avtomobillərimizə qayıdır və Xınalığa doğru hərəkət edirik. Xınalıq kəndinə çatdıqdan sonra buranın tarixi yerlərini ziyarət edirik və gecəni qonaq evində keçiririk.

Gecələmə: Xınalıq kəndində qonaq evində.

Beşbarmaq dağı: 450 m
Xınalıq kəndi: 2170 m
Bakı-Xınalıq: 240 km

3-cü Gün: Xınalıq kəndi – Qalaxudat kəndi – Qrız kəndi

Səhər yeməyindən sonra Qrız kəndinə doğru yola çıxırıq. Yol boyu Qələxudat kəndində fasilə edərək nahar edirik və sonra Qrız kəndinə davam edirik. Güdyalçay dərəsindən keçərkən gözəl Gür-gür şəlaləsini seyr etmək imkanı əldə edirik. Səyahətimizə davam edərək Qrız kəndinə çatırıq və burada tarixi abidələri kəşf edirik. Gecələmək üçün Qrız kəndində yerləşən qonaq evində qalırıq.

Məsafə: 19 km
Başlanğıc hündürlüyü: 2154
Maksimum hündürlük: 2300 m
Bitmə hündürlüyü: 2000 m
Griz kəndi: 2020 m

4-cü Gün: Griz- Laza kəndi

Səhər yeməyindən sonra Laza kəndinə doğru yürüşümüzə davam edirik. Mıxtökən silsiləsinin çəmənliklərindən keçərək Laza kəndinə eniş edirik. Kəndə çatdıqda, şəlalələri və kəndi gəzib, axşamı keçirmək üçün qonaq evlərimizə yerləşirik.
Axşamı Laza kəndində rahat qonaq evlərində keçiririk.

Məsafə: 20 km
Başlanğıc hündürlüyü: 2000 m
Maksimum hündürlük: 2700 m
Son hündürlük: 1700 m
Laza kəndi: 1700 m

5-ci Gün: Laza - Kuzun kəndi - Bakı

Lazada səhər yeməyini yedikdən sonra Kuzun kəndinə doğru yola düşürük. Gusar çayının sahili boyunca Kuzun kəndinə doğru irəliləyirik və Kuzun kəndinə çatırıq. Gusarda nahar fasiləsindən sonra Sumqayıta yola düşürük. Sumqayıtda oteldə gecələyirik.

Məsafə: 7 km
Başlanğıc hündürlüyü: 1700 m
Maksimum hündürlük: 2380 m
Bitmə hündürlüyü: 2380 m
Kuzun kəndi: 1200 m
Kuzun - Sumqayıt: 200 km

6-cı Gün: Sumqayıt - Diri baba türbəsi- Şamaxı cümə məscidi- Lahıc - Basqal - Qəbələ - Şəki

Səhər yeməyindən sonra Şəkiyə yola düşəcəyik. İlk dayanacağımız yer Qobustanda yerləşən Diri Baba türbəsi olacaq. Daha sonra yolumuza davam edib İsmayıllı rayonunun Basqal kəndinə gedəcəyik. Basqalda gəzintini başa vurduqdan sonra Lahıca doğru yola çıxacağıq. Lahıcda turu başa vurduqdan və nahar etdikdən sonra Şəkiyə doğru irəliləyəcəyik. Yolda Nohurgölü ziyarət etdikdən sonra Şəkiyə çatacağıq.

Gecəni Şəkidə oteldə qalacağıq.

7-ci Gün: Şəki-Kiş məbədi- Karvansaray-Xansarayı- Naftalan

Oteldə səhər yeməyindən sonra Kiş Məbədini ziyarət edirik. Kiş kəndindəki Alban məbədini, Şəki Xan Sarayını və Karvansarayı ziyarət etdikdən sonra Naftalana yola düşürük. Bu tur zamanı Naftalan nefti ilə müalicə almaq və daha sonra gəzinti etmək fürsətiniz olacaq.

Gecəni Naftalanda oteldə qalacağıq.

Şəki – Naftalan: 120 km

8-ci Gün: Naftalan -Qobustan- Palçıq vulkanları- Bibi heybət məscidi-Bakı

Səhər yeməyindən sonra oteldən çıxırıq və Bakı istiqamətinə yola düşürük. Qobustan ərazisinə gəlib burada Qobustan palçıq vulkanlarını və Qobustan qayaüstü abidələrini ziyarət edirik. Daha sonra Bakı şəhərinə geri dönürük. Axşamı Bakıda oteldə keçiririk.

Naftalan – Qobustan – Bakı: 340 km

9-cu Gün: Bakı Şəhər Turu- Transfer Hava limanı

Səhər yeməyindən sonra Bakının müasir memarlıq abidələrini, o cümlədən Heydər Əliyev Mərkəzini, Dənizkənarı Bulvarı və Xalça Muzeyini ziyarət edəcəyik. Həmçinin, tarixi İçərişəhər küçələrini gəzəcək və Bakının müasir prospektlərini kəşf edəcəyik. Axşam saatlarında hava limanına yola düşəcəyik.

Turun Qiymətinə Daxildir:

✅Bakı Beynəlxalq Hava Limanı – Otel – Bakı Beynəlxalq Hava Limanı (Mercedes Vito, Sprinter)

✅Bakı – Xınalıq kəndi – Bakı (Mercedes Vito / Sprinter)

✅Kuzun – Sumqayıt (Mercedes Vito, Sprinter)

✅Sumqayıt – Lahıc – Şəki (Mercedes Vito, Sprinter)

✅Şəki – Qış Templəsi – Naftalan (Mercedes Vito, Sprinter)

✅Naftalan – Gobustan – Bakı (Mercedes Vito, Sprinter)

✅Bakı şəhər turu – Hava limanı (Mercedes Vito, Sprinter)

✅Dağ bələdçiləri (7 nəfərə 1 bələdçi)

✅Qonaq evində qalma (3 gecə)

✅Qonaq evlərində yeməklər (2-3 dəfə)

✅Yüklər üçün dağ maşınları

✅Milli park biletleri

✅Şahdağ Milli Parkı

✅Şəhər bələdçisi Otel (5 gecə)

Turun Qiymətinə Daxil Deyil:

❌Muzeyə giriş haqları.

❌Şəxsi xərclər.

❌Nahar yeməkləri.

❌Təyyarə biletləri.

❌Xüsusi tələblər (qonaq evində hər nəfərə ayrı otaq və s.)

Lazımi ləvazimatlar:

Trekking turu üçün:

✅ Bel çantası (40-50 L)

✅ Su keçirməz bot (Waterproof)

✅ Külək və yağış keçirməz geyim (gödəkçə, şalvar – Gore-Tex)

✅ Tozluq

✅ Yürüş çubuqları

✅ Gün eynəyi, papaq, günəş kremi və s.

✅ Əlcək, papaq

✅ Corab (sintetik)

✅ Alın fanarı

✅ İlk yardım çantası (şəxsi dərman və s.)

✅ Termos və su qabı

✅ Qida və su ehtiyatı

Şəhər turu üçün:
✅Yüngül və rahat geyimlər – İqlim isti olduğuna görə pambıq və ya kətan materiallı geyimlər məsləhətdir.
✅Gün eynəyi və papaq – Günəşdən qorunmaq üçün vacibdir.
✅Rahat ayaqqabı – Tarixi abidələrə və muzeylərə uzun gəzintilər zamanı rahatlıq üçün idman ayaqqabısı və ya sandallar.
✅Şal və ya nazik uzunqol geyim – Məbədləri və dini məkanları ziyarət edərkən uyğun geyinmək üçün.
✅Çimərlik geyimi – Xəzər dənizində çimmək və ya sahildə istirahət etmək istəyənlər üçün.

✅Su qabı – Yayda susuzluğun qarşısını almaq üçün vacibdir.
✅Günəşdən qoruyucu krem – İsti hava şəraitində dərini qorumaq üçün.
✅Fotoaparat və ya telefon – Tarixi abidələri və gözəl mənzərələri çəkmək üçün.
✅Kiçik bel çantası – Sənədləri, suyu və digər vacib əşyaları rahat daşımaq üçün.
✅Şəxsi dərmanlar və ilkin tibbi yardım dəsti – Hər ehtimala qarşı.
Qeyd. Tur üçün götürüləcək ləvazimatlar mövsümə görə dəyişir. Tur programdan öncə təşkilatçı ilə məsləhətləşməniz lazımdır

Əlavə Məlumat və Şərtlər:

Qeydiyyat və İcazə: Turda iştirak üçün ən azı 30 gün öncədən qeydiyyatdan keçmək və ödənişi tam etmək tələb olunur. Bu müddət ərzində iştirakçılar pasport surətini təqdim etməlidirlər ki, Şahdağ Milli Parkı icazə alınsın.
Rezervasiyanın Ləğvi və Geri Ödəniş:
- Tur tarixindən 30 gün əvvəl ləğv edildikdə məbləğ tam geri qaytarılır.
- 15 gün əvvəl ləğv edildikdə məbləğin 70%-i geri qaytarılır (30%-i tutulur).
- 7 gün qalmış ləğv edildikdə məbləğin 50%-i geri qaytarılır.
- 5 gün və daha az qalmış ləğv edilən rezervasiyalar üçün ödəniş geri qaytarılmır.
Tur Proqramının Dəyişdirilməsi: Hava şəraiti, ictimai hadisələr və digər gözlənilməz hallar səbəbindən tur rəhbəri proqramı dəyişdirmək və ya ləğv etmək hüququna malikdir.
Qrup sayı 3, 7 və ya 14 nəfər ola bilər, fərqli qrup tələbləriniz üçün bizimlə əlaqə saxlayaraq fərdi qiymət ala bilərsiniz.
Mobil Rabitə: Dağ şəraitində bəzi yerlərdə mobil rabitə işləməyə bilər. Ən yaxşı əlaqə Azercell operatoru vasitəsilə mümkündür.
Fərdi Sorğular: Tur məzmununa fərqli yerlər və ya yeməklər əlavə etmək və ya çıxarmaq istəyirsinizsə, bizimlə əlaqə saxlayın.
Bəxşişlər: Xidmətlərdən məmnun qaldığınız halda bəxşiş vermək şəxsi seçiminizdir.

İştirakçı Rəyləri

100%

+0 -0

Populyarlıq 100% 100%

Professional bələdçi Sertifikatlı dağ bələdçisi

Daxildir

Zəng et WhatsApp ilə Əlaqə

Dağlardan Qədim Şəhərlərə: Unudulmaz Azərbaycan Turu

Tur haqqında

İştirakçı Rəyləri

Rəy Bildirin