1994-cü ilin 30 mart tarixində Neftçala rayonunda dünyaya göz açmışam. Fotoqrafiya mənim üçün sadəcə bir peşə deyil, həm də ətrafdakı gözəllikləri unudulmaz anlara çevirməyin bir yoludur. Azərbaycan Fotoqraflar Assosiasiyasının üzvü olaraq, sənətimi təkcə ölkə daxilində deyil, beynəlxalq arenada da nümayiş etdirmişəm. Ölkəmi Rusiyanın Ermitaj Muzeyində keçirilən sərgidə təmsil etmək şərəfinə nail olmuş, bir çox yerli sərgi və müsabiqələrdə iştirak etmişəm.
Fotoqrafiya mənim əsas fəaliyyət sahəmdir, lakin bununla kifayətlənmirəm. Mobiloqrafiya və videoqrafiya sahəsində də fəaliyyət göstərir, orta səviyyədə video montaj və qabaqcıl səviyyədə foto montaj bacarıqlarıma güvənirəm.
Ən çox sevdiyim isə dağlar və təbiətin sərt üzü ilə üz-üzə qalaraq ekstremal çəkilişlər etməkdir. Hər bir zirvə, hər bir çətin marşrut mənim üçün təkcə fiziki yox, həm də yaradıcı bir sınaqdır. Hədəfim – anları əbədiləşdirmək və insanlara təbiətin saf gözəlliyini çatdırmaqdır.
Hər kadr – bir hekayədir. Mən isə o hekayələri sizinlə bölüşmək üçün buradayam
- Təcrübə: 5 il
- Zirvələr: 10+
- İxtisas: Dağ bələdçisi, Fotograf
