Tufandag Summit Tour (4191 m)

Bakı şəhərindən Quba rayonunun Xınalıq kəndinə doğru yola düşürük (təxminən 5 saat). Qubada son alış-verişimizi tamamlayıb, Xınalığa doğru yolumuza davam edirik. Xınalıq kəndində maşınlarımızı dəyişərək dağ maşınları ilə Şahyaylağa doğru hərəkət edirik (təxminən 2 saat). Yol boyunca əvvəlcə Şahdağ Milli Parkının, sonra isə Dövlət Sərhəd Xidmətinin keçid məntəqəsindən keçirik və Şahyaylağa doğru irəliləyərək Tufandağın ətəyinə çatırıq.  

Maşından endikdən sonra çantalarımızla təxminən 3 saat piyada yürüyərək düşərgəyə çatırıq. Çadırlarımızı qurub istirahət etdikdən sonra yüksəkliyə uyğunlaşma yürüşü edəcəyik. Axşam yeməyindən sonra zirvə hazırlıqlarını tamamlayıb dincəlirik.

 Səhər saat 05:00-da Tufandağ zirvəsinə dırmanışa başlayırıq. Zirvə yolumuz 5-6 saatdır. Zirvə şəkillərini çəkdirdikdən sonra düşərgəyə doğru eniş edirik. Eniş 2-3 saat davam edəcəkdir. Gecəni düşərgədə qalırıq.

Səhər yeməyindən sonra çadırları toplayıb Şahyaylağa, maşınlara doğru yola düşürük. Maşınlara minib Xınalıq kəndi istiqamətində hərəkət edirik. Xınalıqda maşınlarımızı dəyişərək Bakıya doğru yolumuza davam edirik.

✅ Bakı–Xınalıq kəndi üzrə nəqliyyat (sprinter, vita)
✅ Xınalıq kəndi–Yarudağ düşərgə və geriyə (Yolsuzluq və4x4 dağ maşınları)
✅ Zirvə sertifikatları
✅ Şahdağ Milli parkına giriş biletləri
✅ Qaz başlığı və qaz balonun təşkili
✅ Şahdağ Milli Parkına giriş üçün icazə
✅ Dağ bələdçisi (7 nəfərə 1 bələdçi)
✅ Dövlət Sərhət Xidmətindən İcazə
✅ Çadır və matların təşkili
✅ FHN icazə

❌ Atlar
❌ Qidalanma və ərzaq
❌ Program xaric istəklər
❌ Şəxsi dağçılıq ləvazimatları

Dağ ayaqqabısı, su keçirməz isti şalvar (Gore-Tex), Su keçirməz isti gödəkçə (Gore-Tex), yataq kisəsi, yürüş çomaqları,yemək bişirmə ləvazimatları, qaz başlığı və balon, çadır, baş fənəri, tozluq, papaq, eynək, əlcək, corab, termo içlik, polar gödəkcə, mat, çadır və.s

• Qeydiyyat və İcazə: Turda iştirak üçün ən azı 30 gün öncədən qeydiyyatdan keçmək və ödənişi tam etmək tələb olunur. Bu müddət ərzində iştirakçılar pasport surətini təqdim etməlidirlər ki, Şahdağ Milli Parkı və Dövlət Sərhəd Xidmətindən icazə alınsın.
  

• Rezervasiyanın Ləğvi və Geri Ödəniş:
  

  • Tur tarixindən 30 gün əvvəl ləğv edildikdə məbləğ tam geri qaytarılır.

  • 15 gün əvvəl ləğv edildikdə məbləğin 70%-i geri qaytarılır (30%-i tutulur).

  • 7 gün qalmış ləğv edildikdə məbləğin 50%-i geri qaytarılır.

  • 5 gün və daha az qalmış ləğv edilən rezervasiyalar üçün ödəniş geri qaytarılmır.

• Tur Proqramının Dəyişdirilməsi: Hava şəraiti, ictimai hadisələr və digər gözlənilməz hallar səbəbindən tur rəhbəri proqramı dəyişdirmək və ya ləğv etmək hüququna malikdir.
  

• Qrup sayı 3, 7 və ya 14 nəfər ola bilər, fərqli qrup tələbləriniz üçün bizimlə əlaqə saxlayaraq fərdi qiymət ala bilərsiniz.

• Mobil Rabitə: Dağ şəraitində bəzi yerlərdə mobil rabitə işləməyə bilər. Ən yaxşı əlaqə Azercell operatoru vasitəsilə mümkündür.
  

• Qidalanma və Avadanlıq: Dağ şəraitində qidalanma və yemək bişirmə iştirakçının öz öhdəliyindədir.
  

• Fərdi Sorğular: Tur məzmununa fərqli yerlər və ya yeməklər əlavə etmək və ya çıxarmaq istəyirsinizsə, bizimlə əlaqə saxlayın.
  

• Bəxşişlər: Xidmətlərdən məmnun qaldığınız halda bəxşiş vermək şəxsi seçiminizdir.